Ստացեք գումարը «Տինկոֆ» բանկից՝ նշելով հեռախոսահամարը

ԱՐԱՐԱՏԲԱՆԿ-ը միանգամայն նոր առաջարկով է հանդես գալիս ԱՐԱՐԱՏԲԱՆԿ-ի հաշվետերերի համար։

Այսուհետ «Տինկոֆ» բանկի քարտապանները «Տինկոֆ» բանկի բջջային հավելվածի միջոցով կարող են համալրել ԱՐԱՐԱՏԲԱՆԿ-ի հաճախորդների դրամային (քարտային) հաշիվները՝ նշելով միայն ստացողի այն հեռախոսահամարը, որը գրանցված է ԱՐԱՐԱՏԲԱՆԿ-ի տվյալների բազայում։

«Նպատակ ունենալով պարզեցնել Ռուսաստանից դեպի Հայաստան դրամական փոխանցումների իրականացման գործընթացը` ԱՐԱՐԱՏԲԱՆԿ-ն ընդլայնել է առցանց տիրույթում առաջարկվող ծառայությունների շրջանակը՝ ներդնելով «Тинькофф–онлайн» ծառայությունը։ Գաղտնիք չէ, որ այսօր գումար փոխանցելու ամենաարագ և ամենադյուրին մեթոդը հեռախոսահամարով փոխանցումն է, քանի որ այն պահանջում է շահառուի վերաբերյալ նվազագույն տվյալներ»,- ասել է ԱՐԱՐԱՏԲԱՆԿ-ի Արագ դրամական փոխանցումների սպասարկման բաժնի ղեկավար Ժասմին Սարգսյանը։