Էսքրոու հաշիվը հատուկ բանկային հաշիվ է, որին մուտքագրվում է ապրանքի, ծառայության, անշարժ կամ շարժական գույքի ձեռքբերման համար անհրաժեշտ գումարը` դրա դեպոնացման պայմանով:

Բանկը գումարը վճարում է պայմանագրում նշված կողմին` ստանձնած պարտավորությունների կատարման փաստաթղթային ապացույցի ներկայացման դեպքում: Եթե պայմանագրի կողմերից մեկը ստանձնած պարտավորությունները չի կատարում ժամկետին կամ կատարում է ոչ պատշաճ, էսքրոու հաշվի գումարը վերադարձվում է գումարը մուտքագրված կողմին:

Բանկը երաշխավորում է.

• էսքրոու հաշվին միջոցների դեպոնացումը,
• էսքրոու հաշվից միջոցների ժամանակին վճարումը շահառուին`
• պայմանագրով ստանձնած պարտավորությունների կատարման
• փաստաթղթային ապացույցի ներկայացման դեպքում:

ՀՀ տարածքում ստեղծված և գործող իրավաբանական անձի դեպքում

• ՀՀ տարածքում ստեղծված և գործող իրավաբանական անձի դեպքում
• տեղեկանք իրավաբանական անձանց պետական միասնական գրանցամատյանից
• պետական գրանցման վկայականի պատճենը (ներդիրներով),
• հարկ վճարողի հաշվառման համարը (ՀՎՀՀ) հավաստող փաստաթղթի պատճենը, եթե ՀՎՀՀ-ն արտացոլված չէ ներկայացվող պետական գրանցման վկայականում,
• լիցենզիայի պատճենը (եթե իրականացվում է լիցենզավորման ենթակա գործունեություն).
• տեղեկատվություն ընկերության մասնակիցների (հիմնադիրների) վերաբերյալ (բաժնետիրական ընկերությունների դեպքում` ներկայացվում է տեղեկանք բաժնետերերի ռեեստրից` 10% և ավելի տիրապետող բաժնետերերի վերաբերյալ),
• լիազորված անձի միջոցով հանդես գալու դեպքում` պատշաճ ձևակերպված լիազորագիր
• կազմակերպության ներկայացուցչի անձնագրի, նույնականացման քարտի, իրավասու մարմնի կողմից տրամադրված ՀՀ հատուկ անձնագրի, կացության քարտի կամ միջազգայնորեն ճանաչված անձը հաստատող ճամփորդական փաստաթղթի (օտարերկրյա անձնագրի դեպքում` անձնագիրը թարգմանված հայերեն, նոտարական վավերացմամբ) պատճենը

ՀՀ տարածքից դուրս ստեղծված և գործող իրավաբանական անձի դեպքում

• հաճախորդի հիմնադիր փաստաթղթերի փաթեթը` թարգմանությունների բնօրինակները նոտարական վավերացմամբ
• հաճախորդի իրավական կարգավիճակը սահմանող և պետական գրանցումն ու հարկային մարմիններում հաշվառված լինելու հանգամանքը հավաստող փաստաթղթերի թարգմանությունների բնօրինակները նոտարական վավերացմամբ
• լիցենզիայի թարգմանության բնօրինակը` նոտարական վավերացմամբ (եթե իրականացվում է լիցենզավորման ենթակա գործունեություն),
• տեղեկատվություն կազմակերպության մասնակիցների (հիմնադիրների) վերաբերյալ փաստաթղթերի թարգմանությունների բնօրինակները նոտարական վավերացմամբ (ոչ ռեզիդենտ ֆիզիկական անձ մասնակցի (հիմնադիրի) դեպքում` անձնագիրը թարգմանված հայերեն, նոտարական վավերացմամբ)
• լիազորված անձի միջոցով հանդես գալու դեպքում` պատշաճ ձևակերպված լիազորագիր
• կազմակերպության ներկայացուցչի անձնագրի, նույնականացման քարտի, իրավասու մարմնի կողմից տրամադրված ՀՀ հատուկ անձնագրի, կացության քարտի կամ միջազգայնորեն ճանաչված անձը հաստատող ճամփորդական փաստաթղթի (օտարերկրյա անձնագրի դեպքում` անձնագիրը թարգմանված հայերեն, նոտարական վավերացմամբ) պատճենը

• Հաշիվը և դրանում եղած դրամական միջոցները տնօրինելու հաշվետիրոջ իրավունքները կարող են սահմանափակվել դատարանի վճռով դատական ակտերի հարկադիր կատարումն ապահովող մարմինների կամ հարկային մարմինների կողմից ներկայացված հայտի հիման վրա
• Սակագները սահմանված են ՀՀ դրամով իսկ արտարժույթով գործառնությունների տոկոսո սահմանված սակագները հաշվարկվում են ՀՀ կենտրոնական բանկի կողմից հրապարակվող տվյալ օրվա արժութային  շուկայում ձևավորվող միջին փոխարժեքով
• 1 տարվա ընթացքում հաշվով շարժ չգրանցվելու պարագայում հաշվի վրա մնացորդի առկայության դեպում հաշիվը սառեցվում է՝ սպասարկման վճարի չկուտակման նպատակով