ՄՌ համակարգերի վերլուծաբան

Մեր HR թիմը համալրելու նպատակով փնտրում ենք մասնագիտական բարձր որակավորում ունեցող ՄՌ համակարգերի վերլուծաբանի: Եթե դուք եռանդուն եք, պատրաստ եք մարտահրավերներ նետել այժմյան արագ փոփոխվող բիզնես իրականությանը և համապատսախանում եք ներքոնշյալ պայմաններին, ապա մենք սպասում ենք Ձեզ:

• Վերլուծել և բարելավել Բանկի ներսում օգտագործվող ՄՌ տեղեկատվական համակարգերը՝ ապահովելով դրանց համապատասխանությունը բիզնես նպատակներին,
• Համագործակցել ՄՌ և ՏՏ թիմերի հետ՝ նոր գործառույթների ներդրման, թարմացումների և ինտեգրացիաների իրականացման նպատակով,
• Մասնակցել ՄՌ գործընթացների թվայնացման նախագծերին՝ հավաքագրելով բիզնես պահանջները և կազմելով տեխնիկական առաջադրանքներ,
• Կատարել համակարգային թեստավորումներ, պատրաստել ուսուցման նյութեր և իրականացնել օգտատերերի խորհրդատվություն,
• Ապահովել տվյալների համապատասխանությունը ներքին կանոնակարգերին և կարգավորող պահանջներին,
• Ստորաբաժանումների ղեկավարների հետ համագործակցությամբ մշակել և ներդնել աշխատակիցների արդյունավետության և կատարողականի գնահատման համակարգեր (KPI)՝ ապահովելով դրանց համապատասխանությունը Բանկի ռազմավարական նպատակներին,
• Իրականացնել ներդրված KPI համակարգերի պարբերական մոնիթորինգ, հավաքել և վերլուծել տվյալներ տարբեր ստորաբաժանումներից,
• Մշակել և ներկայացնել պարբերական ամփոփ հաշվետվություններ ղեկավարությանը,
• Բացահայտել արդյունավետության բացեր և առաջարկել համապատասխան բարելավման քայլեր,
• Ապահովել KPI համակարգերի շարունակական բարելավումը՝ հաշվի առնելով ընկերության զարգացման ուղղությունները, ոլորտային միտումները և լավագույն փորձը:

• Բարձրագույն կրթություն ՏՏ, ֆինանսական վերլուծության, մարդկային ռեսուրսների կառավարման կամ հարակից ոլորտում,
• Առնվազն 3 տարվա մասնագիտական փորձ ՄՌ համակարգերի վերլուծության,  կատարողականի գնահատման, բիզնես գործընթացների և KPI համակարգերի մշակման/ներդրման ոլորտում (նախընտրելի՝ ֆինանսաբանկային համակարգ),
• Վերլուծական հմտություններ և տվյալների կառավարման գործիքների տիրապետում (Excel, Power BI և այլն),
• Տեխնիկական մտածողություն,
• Հաղորդակցվելու և համագործակցելու գերազանց հմտություններ,
• Թիմայնություն, նախաձեռնողականություն,
• Ժամանակը կառավարելու կարողություն,
• Առաջնահերթություններ սահմանելու կարողություն,
• Արագ կողմնորոշվելու և ինքնուրույն որոշումներ կայացնելու ունակություն,
• Հայերեն լեզվի գերազանց իմացություն, անգլերեն և ռուսերեն լեզուների լավ իմացություն։

Մենք առաջարկում ենք՝

• Մրցունակ վարձատրություն՝ բանկային ոլորտին համարժեք,
• Մասնագիտական աճի և վերապատրաստման հնարավորություններ՝ ներքին և միջազգային ծրագրերի շրջանակներում,
• Առողջապահական ապահովագրություն, լրացուցիչ արտոնություններ և բոնուսային համակարգ,
• Մեկ տարվա ընթացքում 5 ազատ օրերի հնարավորություն - day off (արձակուրդային օրերից զատ),
• Գրավիչ զեղչեր տարբեր կազմակերպություններից և սպորտային ակումբներից,
• Կորպորատիվ մշակույթ՝ հիմնված թափանցիկության, թիմային աշխատանքի և զարգանալու վրա։

Ներկայացված պահանջներին համապատասխանող թեկնածուները կարող են ուղարկել իրենց ինքնակենսագրությունները: Մրցույթում դիտարկվելու նպատակով խնդրում ենք հաղորդագրության «թեմա» (subject) դաշտում պարտադիր նշել պաշտոնը, որի համար դիմում եք /ՄՌ համակարգերի վերլուծաբան/: