
ԱրարատԲանկի աջակցությամբ կայացել է «Ի՞նչ, որտե՞ղ, ե՞րբ» ինտելեկտուալ բարեգործական մրցաշարը
ԱրարատԲանկի աջակցությամբ մայիսի 28-ին «Էլիտ Պլազա» բիզնես կենտրոնում տեղի ունեցավ «4090 Բարեգործական» հիմնադրամի «Ի՞նչ, որտե՞ղ, ե՞րբ» ինտելեկտուալ բարեգործական մրցաշարը, որին մասնակցել է նաև ԱրարատԲանկի գիտակների թիմը։
Ցանկացած հայի համար խորհրդանշական այս օրը պատահական չէր ընտրված․ նպատակը մեր հերոս տղաներին աջակցելն էր։ Գիտակներին ուղղված էին նաև Առաջին Հանրապետության, հայոց պատմության, հայկական դիցաբանության և առասպելների մասին հարցեր: Միջոցառման ողջ հասույթն ուղղվելու է 2016-2020թթ․ պատերազմների և դրանց հաջորդած մարտական գործողությունների մասնակից ուսանողների կրթավճարի տրամադրմանը։
2022 թվականից ի վեր ԱրարատԲանկը հայրենիքի պաշտպանների՝ պատերազմի մասնակից ուսանողների կրթության ապահովման նախաձեռնության կողքին է։
Հիմնադրամի շահառուները, որոնք ծառայել են հայկական բանակում, այսօր շարունակում են իրենց ներդրումն ունենալ մեր երկրի զարգացման գործում՝ այս անգամ կրթության միջոցով: Համագործակցությունից ի վեր ԱրարատԲանկի ներդրումը կազմել է ավելի քան 25 մլն ՀՀ դրամ:
«Մինչ օրս մեր գիտակների թիմի մասնակցած բոլոր խաղերը եղել են բարեգործական, այս մեկը ևս բացառություն չէր և, ինչպես ամեն անգամ, շատ պատասխանատու էինք մեզ զգում, երբ խաղի արդյունքներից կախված է պատերազմի բովով անցած, «4090 Բարեգործական» հիմնադրամի շահառու որևէ երիտասարդի կրթության հարցը»,- նշել է ԱրարատԲանկի գիտակների թիմի ավագ, CRM բաժնի ղեկավար Անուշիկ Դոլինյանը։
Բանկի թիմն արժանացավ «Կերոն» հիմնադրամի մրցանակին՝ հնարավորություն ստանալով շրջայց կատարել Աֆրիկյանների առանձնատանը, որտեղ գտնվում է հիմնադրամի գրասենյակը, ծանոթանալ պատմական շենքի ճարտարապետությանն ու հիմնադրամի գործունեությանը:
Հայրենասիրական մթնոլորտն ամբողջացրեց Կարնո քոչարին, որը միավորեց խաղացող թիմերի անդամներին՝ մատնանշելով անկախության իրական արժեքներն ու ամփոփելով օրվա խորհուրդը։
ԱրարատԲանկը վերահսկվում է ՀՀ կենտրոնական բանկի կողմից
Կապված նորություններ
-
02.09.2024
ԱրարատԲանկ․ բարձրանում ենք Արագած հանուն հերոսների կրթության Դեպի Արագած վերելքի գլխավոր հովանավորն էր ԱրարատԲանկը
-
16.12.2024
ԱրարատԲանկը և «4090 Բարեգործական» հիմնադրամը՝ հանուն կրթության Այս անգամ բանկը հովանավորում է «Aznavour 100» համերգը
-
24.03.2025
ԱրարատԲանկ․ հաղթանակը մեկն է՝ ապաքինված երեխայի ժպիտը ԱրարատԲանկը մասնակցեց «Ի՞նչ, որտե՞ղ, ե՞րբ» ինտելեկտուալ խաղի 2025թ․ բարեգործական առաջնությանը
Էջը թարմացվել է` 02.06.2025 | 16:04
Տեղեկատվության հայերեն և անգլերեն տարբերակների միջև անհամապատասխանության առկայության դեպքում առաջնայնությունը տրվում է հայերեն տարբերակին: