ԱՐԱՐԱՏԲԱՆԿԸ ներկայացնում է ըստ վճարման ձևի հետևյալ տեսակները

• Փաստաթղթեր վճարման դիմաց (D/P): Բանկը ինկասոյի շրջանակներում թողարկող բանկից ստացված փաստաթղթերը հանձնում է պարտապանին վճարի դիմաց: Ինկասոյի այս ձևի համաձայն վաճառողի բանկը լիազորում է գնորդի բանկին տրամադրել ապրանքի սեփականությունը հավաստող փաստաթղթերը միայն գնորդի կողմից այդ ապրանքի դիմաց վճարումն իրականացնելուց հետո:
• Փաստաթղթեր ակցեպտավորման դիմաց (D/A): Բանկը ինկասոյի շրջանակներում թողարկող բանկից ստացված փաստաթղթերը հանձնում է պարտապանին վերջինիս կողմից մուրհակի ակցեպտավորման դիմաց: Ինկասոյի այս ձևը կիրառվում է, երբ գնորդի և վաճառողի միջև առկա է պայմանավորվածություն վճարման հետաձգման վերաբերյալ: Գնորդը գրավոր պարտավորության դիմաց ստանում է ապրանքի սեփականությունը հավաստիացնող փաստաթղթերը` հետագայում այդ ապրանքների դիմաց վճարումն իրականացնելու պայմանով:

Ինկասոյի առավելությունները վաճառողի (արտահանողի) համար

• Վճարումները ստանալու առավել ապահով տարբերակ է, մասնավորապես` ծովային փոխադրումների ժամանակ, երբ բնօրինակ նավաբեռնագրերը չեն հանձնվում գնորդին մինչև վերջինիս կողմից գումարի վճարումը կամ մուրհակի ակցեպտը։
• Հնարավոր է պահանջել գնորդի բանկի ակցեպտավորված մուրհակի վճարման երաշխիք:

Ինկասոյի առավելությունները ներմուծողի համար

• Հնարավորություն է տալիս ապրանքների դիմաց վճարումը կամ ակցեպտը կատարել առաքման փաստաթղթերին ծանոթանալուց հետո:
• Գործարքի ցածր բարդության աստիճանի և պարզեցված փաստաթղթավորման շնորհիվ հաճախ գործում են համեմատաբար ցածր բանկային սակագներ:
• Համապատասխան պահանջներին բավարարելու դեպքում Բանկը պատրաստ է ֆինանսավորել գործարքները:

Թղթակից բանկերի միջնորդավճարները և փոստային ծախսերը գանձվում են լրացուցիչ:

Ոչ լրիվ եռամսյակը համարվում է ամբողջ եռամսյակ: