Օնլայն բանկինգ
ԱՐԱՐԱՏՄոբայլ բջջային հավելված

ԱՐԱՐԱՏՄոբայլ բջջային հավելված

Կիսվել`

Կառավարե՛ք Ձեր բոլոր բանկային գործարքներն աշխարհի ցանկացած կետում ԱՐԱՐԱՏՄոբայլ բջջային հավելվածի միջոցով 24/7՝ առանց բանկ այցելելու` ունենալով սմարթֆոն և հասանելիություն ինտերնետին։ 

Սկանավորեք QR code-ը և պատվիրեք Ձեր նախընտրած քարտը «Վճարի՛ր և #խնայիր» ակցիայի շրջանկում։ 

   

 

Ինչպես ներբեռնել հավելվածը

 

Հավելվածը կարող եք ներբեռնել Google Play և/կամ App Store խանութներից ԱՆՎՃԱՐ ։

ԱՐԱՐԱՏՄոբայլ՝ պարզ լուծում առօրյա խնդիրներին

 

 

Հավելվածի միջոցով Դուք կարող եք

ԱՐԱՐԱՏՄոբայլ հավելվածը կօգնի ֆիզիկական անձանց խնայել ժամանակ բազմաթիվ բանկային գործարքներ իրականացնելու համար.

  • քարտից քարտ փոխանցումներ*
  • ընթացիկ հաշվի համալրում
  • փոխանցումներ ՀՀ տարածքում
  • արտարժութային փոխարկումներ
  • հաշվի բացման հայտի լրացում**
  • պլաստիկ քարտ թողարկելու, փակելու կամ վերաթողարկելու հայտի լրացում 
  • կորցված և/կամ գողացված քարտի փոխարինման հայտի լրացում 
  • նոր PIN կոդի տրամադրման հայտի լրացում
  • կոմունալների խմբային վճարումներ
  • գույքահարկի վճարումներ
  • բուքմեյքերական վճարումներ
  • ավտոկայանատեղի, ՃՈ տուգանքների և ԱՊՊԱ վճարումներ
  • ավանդի ներդրում/համալրում
  • վարկի տրամադրում/մարումներ
  • առցանց հերթագրում
  • առցանց օգնության համակարգ
  • հետզանգի պատվեր
  • ԱՐՔԱ համակարգի անդամ այլ բանկերի կողմից թողարկված քարտերի կցում և վճարում կցված քարտերից
  • Փոխանցումներ պետական բյուջե

ՈՒՇԱԴՐՈՒԹՅՈՒՆ․ Վճարելով գույքահարկը Երևանում գրանցված գույքի համար ԱՌՑԱՆՑ՝ հնարավոր է տեխ․զննման կտրոնները ստանալ ԱՐԱՐԱՏԲԱՆԿԻ բոլոր մասնաճյուղերից՝ առանց թաղապետարան այցելելու։  

*Եթե ստացող կողմը հանդիսանում է ԱՐԱՐԱՏԲԱՆԿԻ հաճախորդ, ապա քարտային/բանկային հաշվեհամարը կամ քարտի համարը համապատասխան դաշտում մուտքագրելուց հետո փոխանցողը կտեսնի ստացողի անունը,  ազգանունը, հայրանունը և բանկի անվանումը։Իսկ եթե ստացող կողմը չի հանդիսանում ԱՐԱՐԱՏԲԱՆԿԻ հաճախորդ, ապա քարտային/բանկային հաշվեհամարը կամ քարտի համարը համապատասխան դաշտում մուտքագրելուց հետո փոխանցողը կտեսնի այն բանկի անվանումը, որը սպասարկում է նշված քարտային/բանկային հաշվեհամարը կամ քարտը։

*Diners Club քարտատեսակների պարագայում քարտից քարտ փոխանցումը հնարավոր է կատարել միայն դեպի Diners Club քարտեր։

**Բանկի գործող հաճախորդների կողմից առցանց նոր հաշվի բացման պարագայում սակագին չի կիրառվում։

Համակարգում Առցանց հերթագրման և Առցանց օգնության համակարգերը, ինչպես նաև հետզանգի պատվերը հասանելի են մուտքից առաջ և մուտքից հետո:

Որտեղ էլ որ լինեք, Դուք կարող եք ոչ միայն իրականացնել գործարքներ, այլ նաև դիտել իրականացրած բոլոր գործարքները բանկային, քարտային, վարկային կամ ավանդային հաշիվներով, վերլուծել կատարած ծախսերը: 

ԱՐԱՐԱՏՄոբայլ գործարքների անվտանգությունն ապահովված է անվտանգության ապահովման նորագույն տեխնոլոգիաներով:

Ի դեպ՝ ԱՐԱՐԱՏՄոբայլ հավելվածը կարող են ներբեռնել ոչ միայն ԱՐԱՐԱՏԲԱՆԿ-ի հաճախորդները, այլ նաև նրանք ովքեր, ցանկանում են հերթագրվել իրենց ամենամոտ գտնվող մասնաճյուղում, օգտվել առցանց օգնություն ծառայությունից և թողնել հետզանգի պատվեր։

Ինչպես դառնալ օգտատեր

ԱՐԱՐԱՏՄոբայլ հավելվածում կարող եք գրանցվել ԱՌՑԱՆՑ՝ առանց բանկ այցելելու, եթե Դուք հանդիսանում եք ԱՐԱՐԱՏԲԱՆԿԻ քարտապան, և Ձեր քարտի 3D անվտանգության համակարգն ակտիվ է։ Այն դեպքում, երբ քարտի 3D անվտանգության կոդն ակտիվ չէ, Դուք կարող եք․

  • ԱՐԱՐԱՏԲԱՆԿ-ում գրանցված էլեկտրոնային հասցե ունենալու դեպքում՝ carddep@araratbank.am էլեկտրոնային հասցեին նամակ գրել՝ նշելով, որ ցանկանում եք ակտիվացնել 3D անվտանգության համակարգը։
  • Իսկ եթե Ձեր էլեկտրոնային հասցեն գրանցված չէ ԱՐԱՐԱՏԲԱՆԿ-ում, անհրաժեշտ է մեկ անգամ մոտենալ Բանկի մասնաճյուղերից որևէ մեկը կամ գլխամասային գրասենյակ և լրացնել 3D անվտանգության համակարգի ակտիվացման դիմումը, որից հետո կարող եք առցանց գրանցվել համակարգում և կատարել բոլոր բանկային գործարքներն ԱՐԱՐԱՏՄոբայլ հավելվածի միջոցով։  

ԱՐԱՐԱՏԲԱՆԿ-ի այն հաճախորդները, ովքեր չեն հանդիսանում քարտապան, ԱՐԱՐԱՏՄոբայլի օգտատեր դառնալու համար պետք է մոտենան Բանկի՝ իրենց հարմար մասնաճյուղ կամ գլխամասային գրասենյակ և լրացնեն համապատասխան դիմումը։

ԱՐԱՐԱՏՄոբայլ հավելված  կարող եք մուտք գործել և կատարել բանկային գործարքներ նաև համակարգչով՝ անցնելով այս հղումով և լրացնելով «Մուտքանուն» և «Գաղտնաբառ» դաշտերը։ Իսկ գաղնտաբառը մոռանալու դեպքում կարող եք սեղմել «Մոռացել եմ գաղտնաբառը» դաշտը և կատարել Բանկային գործարքները նաև համակարգչով։ Ի դեպ, հավելվածից օգտվելու համար կարող եք ընտրել Ձեզ հարմար լեզուն՝ հայերեն, ռուսերեն, անգլերեն։

Սպասարկման սակագներ
  Ռեզիդենտ  Ոչ ռեզիդենտ
 «ԱՐԱՐԱՏՄոբայլ Բանկինգ» տրամադրման վճար    0 ՀՀ դրամ  5000 ՀՀ դրամ (միանվագ)
  «ԱՐԱՐԱՏՄոբայլ Բանկինգ» ամսական սպասարկման վարձ    0 ՀՀ դրամ  0 ՀՀ դրամ
SMS հաղորդագրության ուղարկում 0.00 ՀՀ դրամ* /  30.00 ՀՀ դրամ**

Ուշադրություն. Սակագների մեջ ներառված է ԱԱՀ։

*դեպի ՀՀ տարածքում գրանցված  բջջային օպերատորների ցանց

** դեպի ՀՀ տարածքից դուրս գրանցված բջջային օպերատորների ցանց

Ֆինանսական օգնական
ABC finance

Էջը թարմացվել է` 03.07.2020 | 10:21

Տեղեկատվության հայերեն և անգլերեն տարբերակների միջև անհամապատասխանության առկայության դեպքում առաջնայնությունը տրվում է հայերեն տարբերակին: