ԱՐԱՐԱՏԲԱՆԿԻ զուտ շահույթից 248 մլն 491 հազար դրամ որպես շահաբաժին հատկացվեց բաժնետերերին

2011թ. հունիսի 22-ին ժ.12:00-ին` Մարիոթ-Արմենիա հյուրանոցի Տիգրան Մեծ սրահում տեղի ունեցավ ԱՐԱՐԱՏԲԱՆԿ ԲԲԸ բաժնետերերի տարեկան ժողովը: 2010 թվականին ԱՐԱՐԱՏԲԱՆԿԸ ֆինանսական հիմնական ցուցանիշներով արձանագրել է աճի բարձր տեմպեր և ընդգրկվել Հայաստանի բանկերի առաջին տասնյակում: Գործունեության արդյունքում առաջացած զուտ շահույթից 248 մլն 491 հազար դրամ վճարվեց որպես շահաբաժին, իսկ 70 մլն. դրամ ուղղվեց պահուստային հիմնադրամի համալրմանը:

ՙԳործելով տնտեսական զարգացումներին ու առկա մարտահրավերներին համահունչ` Բանկը 2010 թվականին ևս հանդես է եկել որպես երկրի ֆինանսական շուկայի ակտիվ մասնակից, ծանրակշիռ մասնակցություն ունենալով տնտեսության իրական հատվածի վարկավորման ծավալներում, ընդլայնելով միջազգային ֆինանսական կազմակերպությունների հետ համագործակցության ուղղությունները, բանկային ծառայությունների շուկայում հանդես գալով բազմաթիվ նորամուծություններով:

ԱՐԱՐԱՏԲԱՆԿԸ հաշվետու տարվա ընթացքում արձանագրել է հետևյալ հիշարժան իրադարձությունները

• Վերակառուցման եւ Զարգացման Եվրոպական բանկը /ՎԶԵԲ/ ԱՐԱՐԱՏԲԱՆԿԻ հետ կնքեց համաֆինանսավորման վարկային պայմանագիր, որի շրջանակներում ընդունելի բիզնեսների վարկավորումը կիրականացվի երկարաժամկետ` մինչև 7 տարի մարման ժամկետով:
• Երեւանի կենտրոնում, Մետրոպոլիտենի ‘Երիտասարդական՚ կայարանում բացվեց ԱՐԱՐԱՏԲԱՆԿԻ առաջին ՎԱՃԱՌՔԻ ՄԻՆԻ-ԿԵՆՏՐՈՆԸ`  ԵՐԻՏԱՍԱՐԴԱԿԱՆ մասնաճյուղը:
• Ներդրվեց CLASSIC-M երկակի կիրառման (DUAL) քարտը, որում համադրված են ԱՐՔԱ համակարգի բանկային քարտի և Երևանի Մետրոպոլիտենում ուղևորությունների համար վճարումներ կատարելու միջոց հանդիսացող Mifare (առանց կոնտակտի) տեխնոլոգիայով քարտի  հնարավորությունները:
• ԱՐԱՐԱՏԲԱՆԿ-ը` շարունակելով տրամադրվող վարկերի մատչելիության բարձրացմանն ուղղված քաղաքականությունը, սկսեց իրականացնել հիփոթեքային վարկերի տրամադրում սկսեց իրականացնել նաև “Երիտասարդ ընտանիքին` մատչելի բնակարան’’ պետական նպատակային ծրագրի շրջանակներում:
• ԱՐԱՐԱՏԲԱՆԿՈՒՄ ներդրվեց միջազգային արագ դրամական փոխանցումների Золотая Корона" համակարգը:
• Արմավիր քաղաքում բացվեց ԱՐԱՐԱՏԲԱՆԿԻ թվով 29-րդ մասնաճյուղը:
• Սևան քաղաքում բացվեց ԱՐԱՐԱՏԲԱՆԿԻ թվով 30-րդ մասնաճյուղը:
• ԱՐԱՐԱՏԲԱՆԿՈՒՄ ներդրվեց միջազգային արագ դրամական փոխանցումների “Contact” համակարգը ԱՐԱՐԱՏԲԱՆԿԸ դարձավ “Visa International” վճարային համակարգի ասոցիացված անդամ` հնարավորություն ստանալով իր հաճախորդների սպասարկումն իրականացնել Visa Gold, Visa Classic և Visa Electron տեսակի քարտերով:
• Երևանում բացվեց ԱՐԱՐԱՏԲԱՆԿԻ Կենտրոն թվով 31-րդ մասնաճյուղը:
• ԱՐԱՐԱՏԲԱՆԿԸ սկսեց “Visa Autocard” քարտերի  ներդրման գործընթացը, որը երկակի /DUAL/ նշանակության քարտերի խմբի նորագույն քարտատեսակներից է ԱՐԱՐԱՏԲԱՆԿԻ կապիտալը համալրվեց 1,020 մլն ՀՀ դրամով:
• Հարավ-Արեւելյան Եվրոպայի Եվրոպական Հիմնադրամը(ՀԵԵՀ) եւ ԱՐԱՐԱՏԲԱՆԿԸ ստորագրեցին 5 միլիոն ԱՄՆ դոլարի վարկային պայմանագիր, փոքր ու միջին ձեռնարկությունների վարկավորման նպատակով:
• ԱՐԱՐԱՏԲԱՆԿ-ը և Վերակառուցման և Զարգացման Եվրոպական Բանկը (ՎԶԵԲ) ստորագրեցին 5 միլիոն ԱՄՆ դոլարի նոր վարկային պայմանագիր` փոքր ու միջին բիզնեսի վարկավորման նպատակով:
• COMMERZBANK AG-ին ԱՐԱՐԱՏԲԱՆԿԻ համար բացեց 3 մլն. եվրոյի վարկային գիծ, որից 1 մլն եվրոն նախատեսված էր միջազգային առևտրի խթանման, իսկ 2 մլն Եվրոն` արտարժույթային գործառնությունների իրականացման համար:
• Հայ-շվեյցարական Իզմիրլյան Հիմնադրամը և ԱՐԱՐԱՏԲԱՆԿԸ կնքեցին համաֆինանսավորման 2-րդ Շրջանակային համաձայնագիրը, որով կողմերը 3 մլն ԱՄՆ դոլար կհատկացնեն Փոքր և միջին ձեռնարկությունների վարկավորման նպատակով:
• ԱՐԱՐԱՏԲԱՆԿԸ բացառիկ պայմանագիր կնքեց Diners Club միջազգային վճարային համակարգի հետ` դառնալով ընկերության բացառիկ ներկայացուցիչը Հայաստանում:
• Մասիս քաղաքում բացվեց ԱՐԱՐԱՏԲԱՆԿ-ի 32 –րդ մասնաճյուղը:
•  Երևանում բացվեց ԱՐԱՐԱՏԲԱՆԿ-ի 33-րդ` “ԿՈՄԻՏԱՍ” մասնաճյուղը:

2010 թ.-ին արձանագրված հիմնական ցուցանիշները

• Ընդհանուր ակտիվները 2010 թ. վերջին կազմել են 62,948.5 մլն. ՀՀ դրամ, որը 2009թ. համեմատ աճել է 44.8 %-ով։
• Հաճախորդներին տրված վարկեր և փոխատվությունները 2010թ. վերջին կազմել է 25,264.4 մլն. ՀՀ դրամ, որը 2009թ. համեմատ աճել է 57.0 %-ով։
• 2010թ. վերջին Բանկի ընդհանուր պարտավորությունները կազմել է 52687.9 մլն. ՀՀ դրամ, որը 2009թ. համեմատ աճել է 48.3 %-ով։
• Հաճախորդներից ներգրավված միջոցները 2010 թ. վերջին կազմել են 23,282.9 մլն. ՀՀ դրամ, որը 2009թ. համեմատ աճել է  54.0%-ով։
• Զուտ շահույթը 2010 թ. վերջին կազմել է 1,279 մլն. ՀՀ դրամ, որը 2009թ. համեմատ աճել է 250.1 %-ով։
• Ընդհանուր կապիտալը 2010թ. վերջին կազմել է 10,260.5 մլն. ՀՀ դրամ, որը 2009թ. համեմատ աճել է 29.1 %-ով ։
• Հաճախորդների թիվը 2010 թ.վերջին կազմել է 93,523` որը 2009թ. վերջի համեմատ աճել է 27,400-ով կամ 41.4%-ով։
• Թողարկված պլաստիկ քարտերի քանակը 2010 թ. վերջին կազմել է 52,452 հատ, որը 2009թ. վերջի համեմատ աճել է 14,312 հատով կամ 37.5%-ով։
• 2010 թվականի ընթացքում բացվել են 6 մասնաճյուղ։ Տարեվերջի դրությամբ բանկի տարածքային ցանցն ընդգրկել է 33 մասնաճյուղ։