Սպառողական վարկերը տրամադրվում են 20 տարին լրացած, առնվազն վերջին երեք ամինսների ընթացքում մշտական զբաղվածոություն և բավարար կայուն եկամուտ ունեցող ֆիզակական անձանց:

Սպառողական վարկերը տրամադրվում են հետևյալ նպատակներով`

• Անշարժ գույքի նկատմամբ սեփականության իրավունքի օրինականացում կամ գույքի ձեռքբերում, այդ թվում` բնակելի տարածքի ձեռքբերման կանխավճար, ոչ բնակելի տարածքի, hողի, կահույքի, սարքերի և սարքավորումների (մեխանիզմների), տրանսպորտային միջոցների ձեռքբերում կամ ձեռքբերման ծախսերի փոխհատուցում
• Անձնական ծախսեր, այդ թվում` հանդիսությունների, բուժման, ուսման վարձի վճարման, հանգստի կազմակերպման, ուղևորության և այլ բնույթի անձնական ծախսերի կատարման նպատակով
• Շինարարական աշխատանքների կատարման, սանտեխնիկայի և շինարարական ապրանքների ձեռքբերման, նմանատիպ այլ աշխատանքների կատարման և ապրանքների ձեռքբերման ծախսերի կատարման նպատակով
• Բաժնետոմսերի և բաժնեմասերի, իրավաբանական անձանց կապիտալում մասնակցության ձեռքբերման նպատակով:

Սպառողական վարկի տրամադրման պայմանները

Կարևոր է իմանալ`

• Վարկի տոկոսագումարները հաշվարկվում են տարեկան անվանական տոկոսադրույքի հիման վրա: Իսկ տարեկան փաստացի տոկոսադրույքը ցույց է տալիս, թե որքան կարժենա վարկը հաճախորդի համար տոկոսագումարները և այլ վճարները սահմանված ժամկետներում և չափերով կատարելու դեպքում: Տարեկան փաստացի տոկոսադրույքի հաշվարկին կարող եք ծանոթանալ այստեղ:
• Վարկի տրամադրման վերաբերյալ որոշումը կայացվում է բոլոր անհրաժեշտ փաստաթղթերի մուտքագրմանը հաջորդող 5 աշխատանքային օրվա ընթացքում
• Վարկի վերաբերյալ լիազոր մարմնի որոշում կայացնելուց հետո վարկառուն մեկօրյա ժամկետում ծանուցվում է որոշման վերաբերյալ: Որոշման ընդունումից հետո անհրաժեշտ փաստաթղթերը հավաքագրելու և վարկը տրամադրելու առավելագույն ժամանակահատվածը սահմանված է 15 օր: Նշված ժամանակահատվածում վարկը չտրամադրելու դեպքում լիազոր մարմնի որոշումը համարվում է ուժը կորցրած և վերանայման դեպքում ներկայացվում է լիազոր մարմնի կրկնակի քննարկմանը:
• Ժամկետից շուտ մարելու հնարավորություն առանց տույժ-տուգանքների հաշվարկման
• Վարկային հայտը մուտքագրելու պահին հաճախորդից միանվագ գանձվում է հայտի քննարկման վճար 1.000 ՀՀ դրամ գումարի չափով, որը անկախ վարկի տրամադրման վերաբերյալ որոշումից, վերադարձման ենթակա չէ:
• Վարկի տրամադրման պահին հաճախորդից գանձվում է վարկային փաթեթի կազմման և սպասարկման համար միանվագ վճար` վարկի գումարի 1 %-ի չափով, սակայն ոչ պակաս քան 10,000 ՀՀ դրամը եւ ոչ ավել 30.000 ՀՀ դրամից
• Ապահովման միջոցի (գրավի) գնահատումն իրականացվում է Բանկի հետ համագործակցող անկախ գնահատող լիցենզավորված ընկերությունների կողմից` գնահատող ընկերությունների կողմից սահմանված սակագներով: Գնահատող ընկերությունների ցանկին և սակագներին կարող եք ծանոթանալ այստեղ:
• Վարկառուի կողմից իր պարտավորությունները ժամանակին չկատարելու դեպքում նրա կողմից վճարվում է տուժ
  ա) Ժամկետանց տոկոսների դիմաց չվճարվաժ գումարի 0,3%-ի չափով,
  բ) Ժամկետանց վարկի գումարի դիմաց չվճարվող գումարի 0,5%-ի չափով:

Հաճախորդի վարկային հայտը բավարարվում է, եթե`

1. Հաճախորդը ներկայացնում է վարկային հայտը և անհրաժեշտ փաստաթղթերն ամբողջությամբ,
2. Վարկային հայտը և անհրաժեշտ փաստաթղթերը ներկայացնելուց հետո, հաճախորդի (առկայության դեպքում նաև համավարկառուների, երաշխավորների, ինչպես նաև համատեղ բնակվող ընտանիքի անդամների) վարկային պատմության վերաբերյալ հարցում է կատարվում ՀՀ ԿԲ վարկային ռեգիստր և/կամ ՙԱՔՌԱ՚ վարկային բյուրո,
3. Դրական վարկային պատմության կամ վարկային պատմության բացակայության դեպքում, կատարվում է հաճախորդի վարկունակության և վճարունակության գնահատում, անհրաժեշտության դեպքում` այցելելով հաճախորդի գործունեության իրականացման վայր,
4. Հաճախորդի վարկունակության վերաբերյալ դրական եզրակացության դեպքում, կատարվում է որպես գրավ առաջարկվող գույքի գնահատում,
5. Որպես գրավ առաջարկվող գույքի գնահատման արդյունքում գրավը ընդունելի լինելու դեպքում, կազմվում է եզրակացությունը և ներկայացվում է վարկերի տրամադրման վերաբերյալ որոշում կայացնող լիազոր մարմնի քննարկմանը,
6. Վարկը հաստատվելու դեպքում կատարվում են ՀՀ օրենսդրությամբ և իրավական այլ ակտերով սահմանված ձևակերպումները (անհրաժեշտության դեպքում նաև գրավադրող գույքի և վարկառուի/համավարկառուի դժբախտ պատահարից ապահովագրություն), որից հետո իրականացվում է վարկի տրամադրում:


Հաճախորդի վարկային հայտը մերժվում է, եթե`

1. Հաճախորդի կողմից չեմ ներկայացվել վարկ ստանալու համար անհրաժեշտ փաստաթղթերը,
2. ՀՀ ԿԲ Վարկային ռեգիստր և/կամ ՙԱՔՌԱ՚ վարկային բյուրո հարցման արդյունքում պարզվել է, որ Հաճախորդը (առկայության դեպքում նաև համավարկառուները, երաշխավորները, ինչպես նաև համատեղ բնակվող ընտանիքի անդամները) ունեն բացասական վարկային պատմություն: Վարկային պատմությունը համարվում է բացասական, եթե հաճախորդը ունեցել է կամ ունի վարկային պարտավորություններ որոնք սպասարկվել են ուշացումներով կամ դասակարգվել են համաձայն ՀՀ կենտրոնական բանկի և ՀՀ ֆինանսների և էկոնոմիկայի նախարարության համատեղ հաստատած ՙՀՀ տարածքում գործող բանկերի վարկերի ու դեբիտորական պարտքերի դասակարգման և հնարավոր կորուստների պահուստների ձևավորման կարգ՚-ի,
2. Վարկունակության գնահատման արդյունքում պարզվել է, որ հաճախորդը վարկունակ չէ,
4. որպես գրավ առաջարկվող գույքի գնահատման արդյունքում պարզվել է, որ այն որպես գրավ ընդունելի չէ բանկի համար,
5. Բանկում վարկային հայտերի վերաբերյալ որոշումներ կայացնելու իրավասություն ունեցող լիազոր մարմինը չի բավարարել հաճախորդի վարկային հայտը,
6. Վարկային հայտը հաստատվել է, սակայն հաճախորդը հաստատմանը հաջորդող 15 օրերի ընթացքում չի ներկայացել կամ չի ներկայացրել անհրաժեշտ փաստաթղթերը,
7. Վարկավորման գործընթացի արդյունքում հայտնի են դարձել հաճախորդի վերաբերյալ այնպիսի տեղեկություն, որը կասկածի տակ են դնում հաճախորդի վճարունակությունը:

Ուշադրություն.
Հայտնում ենք նաև, որ վարկի ցանկացած պայմանի փոփոխություն կարող է հանգեցնել փաստացի տարեկան տոկոսադրույքի փոփոխման: Փաստացի տարեկան տոկոսադրույքի վերջնական չափը որոշվում է կրեդիտավորման պայմանագրի կնքման օրը: